A Franzischinu Satta

Aedo sardu

Su chi t’offerzo, Franzischinu Satta

no est de s’Empireu unu tesoro.

Ne un’oggettu preziosu ’e oro;

ca est solu una rima male fatta!

Che sas chi benden a bascia piatta

in Gaddura, in Angrona e Logudoro.

Ma…b’hapo postu, mancari baratta,

pro tene in mesu unu bicculu ’e oro.

Umile, obbligadu, riverente,

de su Parnasu a su mastru sovranu

rendo s’istima mia pius digna.

In calidade d’amigu e dischente

so orgogliosu d’istringher sa manu

a su sommu Omero ’e sa Sardigna.

Giovanni Antonio Dettori

( 24-04-1991)